काठमाडौं । शुक्रबारबाट हलिउड फिल्म ‘टक टु मी’सहित दुई हिन्दी फिल्म ‘रकी और रानी की प्रेम कहानी’ र ‘धूमम’ रिलिज भएका छन् । हिन्दी फिल्म ‘रकी और रानी की प्रेम कहानी’लाई उच्च शो दिँदा ‘धूमम’ले पनि अधिकांश मल्टिप्लेक्समा शो नै पाएको छैन । क्यूएफएक्स चेन, बिग मुभिज जस्ता हलले यो फिल्मलाई शो नै उपलब्ध गराएका छैनन् ।सस्पेन्स थ्रिलर जनरामा निर्माण भएको ‘धूमम’मा  फहाद फासिल मुख्य भूमिकामा छन । पवन कुमारको निर्देशन रहेको फिल्म ‘धूमम’ भारतमा गत २३ जुनमा मलयालम र कन्नडा भाषामा प्रदर्शन भएको थियो । बक्सअफिसमा फिल्मले औसत कमाई गरेको भए पनि सुखद प्रतिक्रिया पाएको थियो । यस्तै शुक्रबारबाटै प्रदर्शनमा आएको बलिउड फिल्म ‘रकी और रानी की प्रेम कहानी’मा  आलिया भट्ट र रणवीर सिंहको मुख्य भूमिका छ । करण जोहर निर्देशित यो फिल्ममा दुई असमान शैक्षिक र आर्थिक पृष्ठभूमिका दुई पात्रको कथावस्तुलाई प्रस्तुत गरिएको छ । फिल्ममा रणवीर सिंहले रकी रन्धावा र आलियाले रानीको भूमिका निर्वाह गरेका छन् ।यो साता कुनै नयाँ नेपाली फिल्म भने हलमा आएनन् । साभार : कोसी अनलाइन
                                    

2 वर्ष पहिले    288 Post Views