जनकपुरधाम १९ गते साउन । राष्ट्रिय अपाङ्ग महासंघ नेपाल मधेश प्रदेशको आयोजनामा अपाङ्गता भएका व्यक्तिहरूको न्यायमा पहुँच सम्वन्धी छलफल सम्पन्न भएको छ । उक्त छलफल राष्ट्रिय अपाङ्ग महासंघ नेपाल मधेश प्रदेश र प्रदेशिक अस्पताल जनकपुरमा रहेको ओसीएमसी टिमका प्रतिनिधिहरू विच गरिएको हो । उक्त छलफलबाट अपाङ्गता भएका व्यक्तिहरूको न्यायमा पहुँच पुग्न नसकिरहेको विविध विषयमा छलफल गर्दै यस्ता समस्याहरूमा सूचना आदान(प्रदानको माध्यमबाट सहकार्य र समन्वय गरेर अपाङ्गता भएका व्यक्तिहरूको न्यायमा पहुँच बढाउने साथै महासंघले प्रकाशन गरेका सचेतनामूलक प्रचार(प्रशार सामग्रीलाई अस्पतालको विभिन्न स्थानहरूमा राख्नेर वा टास गरेर सचेतना प्रवाह गर्ने सहमति गरिएको छ । प्रादेशिक अस्पतालका मेडिल डाईरेक्टर राम नरेश पन्डितको समेत उपस्थिति रहेको सो छलफल कार्यक्रमको अवसरमा राष्ट्रिय अपाङ्ग महासंघ नेपालद्वारा प्रकाशन गरिएको पहुँचयुक्तता परीक्षण प्रतिवेदन समेत हस्तान्तरण गरिएको छ । प्रतिवेदन वुझ्नुहुदै यस वर्ष अस्पतालको स्तरउन्नतिका लागि योजना समेत रहेको हुँदा प्रतिवेदनले दिएको सुझाव अनुसार संरचनामा सुधार गर्ने प्रतिवद्धता व्यक्त गर्नु हुँदै अझ रचनात्मक कार्यका लागि सुझावको अपेक्षा रहेको कुरा बताउनुभयो । उक्त छलफल कार्यक्रममा प्रादेशिक अस्पताल जनकपुर ओसीएमसी टिमका तर्फबाट मेडिल डाईरेक्टर राम नरेश पन्डित, डा. रुवी सिंह, डा. रामदेव चौधरी, फोकल पर्शन सुनिती यादव, संयोजक सपना कुमारी चौधरी हुनुहुन्थ्यो । राष्ट्रिय अपाङ्ग महासंघको तर्फबाट अध्यक्ष किरण कुमार पासवान, प्रदेश व्यवस्थापक प्रकाश नेपाली, वकालत संयोजक चन्द्र राई, परियोजना अधिकृत मधु गुप्ता र प्रदेश परियोजना कार्यदलका संयोजक जय प्रकाश ठाकुर, सदस्यद्वय सञ्जु भगत र रञ्जना कुमारीको उपस्थिति रहेको थियो ।
                                    

1 वर्ष पहिले    182 Post Views