पोखरा,भदौ ३० गते । स्याङ्जामा ३२ वर्षीया अपांग महिलालाई सामूहिक बलात्कार गरेको आरोपमा २ युवालाई प्रहरीले पक्राउ गरेको छ ।जिल्ला प्रहरी कार्यालय स्याङ्जाले महिलालाई बलात्कार गरेको आरोपमा पुतलीबजारका २५ वर्षीय सुवास गुरुङ र २७ वर्षीय मदन गुरुङलाई पक्राउ गरेको हो ।परिवारको उजुरीका आधारमा उनीहरूलाई पक्राउ गरिएको जिल्ला प्रहरी कार्यालय स्याङ्जाका सूचना अधिकारी पावलसिंह लामाले जानकारी दिए । प्रहरीका अनुसार घटना भदौ २० गतेको हो ।बौद्धिक अपांग भएकी ती महिलालाई आफ्नै घरमा बसिरहेको अवस्थामा सामूहिक बलात्कार गरेको भन्दै परिवारको भदौ २८ गते प्रहरीमा उजुरी दिएका थिए । सोही उजुरीका आधारमा सुवास र मदनलाई २८ गते नै प्रहरी पक्राउ गरेको थियो ।‘परिवारबाट २८ गते उजुरी पर्‍यो । उजुरीपछि हामीले उहाँहरूलाई नियन्त्रणमा लिएका छौँ । सोही दिन नै ७ दिनको म्याद थप गरी अनुसन्धान भइरहेको छ,’ सूचना अधिकारी लामाले भने ।उनीहरूलाई जिल्ला अदालत स्याङ्जाबाट ७ दिनको म्याद थप अनुसन्धान प्रक्रिया भइरहेको छ ।साभार : नेपाल प्रेस
                                    

1 वर्ष पहिले    137 Post Views