जनकपुरधाम, असोज ३ गते ।  संविधान दिवस तथा जनकपुर जेसिजको सप्ताहव्यापी कार्यक्रम अन्तर्गतको दोस्रो दिन आज जनकपुरधाममा नेपाल पत्रकार महासङ्घ र जनकपुर जेसिजका खेलाडी बीचमा मैत्रीपूर्ण क्रिकेट प्रतियोगिता सम्पन्न भएको छ ।जनकपुरधामको ऐतिहासिक तीरहुतियागाछीको खेल मैदानमा आज बिहान सम्पन्न भएको मैत्रीपूर्ण क्रिकेट प्रतियोगितामा नेपाल पत्रकार महासङ्घका पत्रकार खेलाडीहरू १४ रनले विजयी भएको छ ।टस जितेर ब्याटिङ रोजेका महासङ्घको क्रिकेट टिमले निर्धारित १२ ओभरको खेलमा पुरा ओभर खेल्दै १०७ रन बनाएका थिए । प्रतिउत्तर ब्याटिङ गर्न आएका जनकपुर जेसिजका खेलाडीहरूले निर्धारित ओभरको खेलमा ९३ रन मात्र बनाएका थिए ।नेपाल पत्रकार महासङ्घका तर्फबाट ४ विकेट लिएका पत्रकार घनश्याम मिश्र म्यान अफ दि म्याच घोषित भएका थिए । महासङ्घका तर्फबाट अविनाश झा तथा राहुल सिंहले टिमका लागि राम्रो रन जोडेका थिए ।यस अघि मैत्रीपूर्ण खेलको उद्घाटन जनकपुरधाम उपमहानगरपालिकाका नगरप्रमुख मनोज कुमार साहले ब्याटिङ र जनकपुरधाम उद्योग वाणिज्य संघका अध्यक्ष जितेन्द्र महासेठले बलिङ गरेर गर्नु भएको थियो । साभार : रेडियो नेपाल
                                    

2 वर्ष पहिले    268 Post Views