जनकपुरधाम,कार्तिक ८ गते ।  जनकपुरधामस्थित रेल्वे स्टेशन नजिकै रहेको हनुमान मन्दिरबाट पेस्तोलसहित एक भारतीय किशोरी पक्राउ परेकी छन् ।पक्राउ पर्नेमा भारतको बिहार राज्यमा पर्ने लकीसराई ग्रामपञ्चायत बडीपोखरी -९ का पप्पु सहनीको १६ वर्षीया नाबालिग छाेरी छन् । उनको साथबाट कटुवा पेस्तोल एक थान, भारतीय कम्पनीको एउटा सिम र केहि नेपाली रुपैयाँ नगद बरामद भएको छ ।रेल्वे सुरक्षा बेश जनकपुरबाट खटेको सशस्त्र प्रहरीका डिएसपी खड्क बहादुर शाहीको टोलीले विशेष सूचनाको आधारमा चेकजाँच कटुवा पेस्तोल बरामद भएपछि उनलाई नियन्त्रणमा लिएको बताइएको छ ।उनी पेस्तोल बोकेर नेपाल किन आएको विषयमा केहि खुल्न सकेको छैन् । अनुसन्धान तथा कारबाहीका लागि उनलाई नेपाल प्रहरीको जिम्मा लगाउने सशस्त्रका डिएसपी शाहीले जानकारी दिए ।साभार : नेपाल प्रेस
                                    

2 वर्ष पहिले    227 Post Views