ढल्केबर, कात्तिक १४ गते । सशस्त्र प्रहरी कार्यालय धनुषाले १७ लाखभन्दा बढीको अवैध मालसामान बरामद गरेको छ । जिल्लाको मिथिला नगरपालिका–९, बडहरीबाट सोमबार साँझ १७ लाख ३० हजार रुपियाँ मूल्य बराबरको अवैध मालसामान सशस्त्र प्रहरीले बरामद गरेको हो ।विशेष सूचनाका आधारमा खटिएको सशस्त्र प्रहरीको टोली र राजस्व भन्सार कार्यालय जनकपुरको टोलीले १४ लाख ८० हजार रुपियाँ मूल्य बराबरको दुई हजार नौ सय ६० थान मोबाइलको डिस्प्ले र दुइ लाख ५० हजार रुपियाँ मूल्य बराबरको तीन सय ३३ थान कुर्ता सुरुवाल बरामद गरिएको सशस्त्र प्रहरी कार्यालय धनुषाले जानकारी दिएको छ ।बरामद गरिएका सो मालसामान आवश्यक कारवाहीका लागि राजस्व भन्सार कार्यालय जनकपुरमा बुझाइएको छ ।साभार : गोरखापत्र
                                    

1 वर्ष पहिले    176 Post Views