जनकपुरधाम,कार्तिक १७ गते ।धनुषा जिल्लाको विदेह नगरपालिकाका २० जना युवाहरुलाई स्थानीय तहको योजना तर्जुमा सहभागीताका सम्बन्धमा तीन दिवसीय तालिम शुक्रबार सम्पन्न भएको छ । स्थानीय तहमा हुने विकास निर्माणका काम लगायतका विभिन्न प्रकारका क्रियाकलापहरुमा युवाहरुको सहभागीताको कमिका कारण लक्षित वर्गको बजेट अन्य विषयमा खर्च भईरहदा युवाहरुको विकासमा समस्या भईरहेको बेलामा प्लान इन्टरनेसनल नेपालको सहयोगमा सामुदायिक परिवार कल्याण संघको आायेजनामा स्थानीय युवाहरुलाई सो तालिम प्रदान गरिएको छ । विदेह नगरपालिका ६ तिनकौरियामा भएको सो तालिममा सहभागी भएका युवाहरुले यो तालिम पछि अब वडास्तरमा हुने योजना तर्जुमा बैठकमा सहभागी भई युवा लक्षित बजेट बनाउन आफुहरुले जनप्रतिनिधि समक्ष पैरवी गर्ने बताएका छन् ।सो तालिममा सहभागीहरुलाई प्रशिक्षक किशोर कुमार कर्णले प्लानपरिवारका सदस्य तथा परिवर्तनका सम्बाहक सीओसीका युवाहरुलाई सो तालिम प्रदान गर्नुभएको थियो । तालिमको समापन सत्रमा बोल्दै संघका कार्यकारी निर्देशक लक्षमेश्वर मंडलले तालिममा सिकेका कुरालाई अगामी दिनमा स्थानीय तह संग समन्वय गरी योजना निर्माण प्रक्रियामा सहभागी भई युवा लक्षित बजेट ल्याउन पहल गर्न सहभागी युवाहरुलाई आग्रह गर्नुभयो । सहभागीहरुलाई बजेट निर्माण प्रक्रिया र चरणहरुमा बारेमा सिकेका कुरालाई पालिकाको विभिन्न समिति संग मिलेर कार्यान्वयनमा ल्याउन भुमिका निर्वाह गर्न आग्रह गर्नुभयो ।
                                    

1 वर्ष पहिले    163 Post Views