जनकपुरधाम, पुस २१ गते ।  जनकपुरधाम उपमहानगरपालिका २२ बसबिट्टीमा शनिबार भएको निःशुल्क स्वास्थ्य शिविरमा दुई सय भन्दा बढी जनाले लाभ लिएका छन् । बशिष्ठ मुनि बचत तथा ऋण सहकारी संस्था लि. बसबिट्टी को आयोजना तथा म्याक्स लाईफ अस्पताल जनकपसरधामको सहयोगमा भएको सो निःशुल्क स्वास्थ्य परिक्षण शिविरमा ७० प्रतिशत भन्दा बढी महिलाहरु उपचार गराएको संस्थाका पुर्व उपाध्यक्ष तथा वडा नं. २२ का वडाध्यक्ष बिमलेश मिश्राले जानकारी दिनुभयो । बशिष्ठ मुनि बचत तथा ऋण सहकारी संस्था लि.का अध्यक्ष धर्मेश प्रसाद ठाकुरको बिशेष पहलमा बिहान १० बजे देखि दिउसो ४ वजे सम्म सफलतापूर्वक सञ्चालन भएको सो शिविरमा म्याक्स लाईफ अस्पतालका चिकित्सकहरुले विरामीहरुको उपचार गरेका थिए । शिविरमा सरकारी संस्थाका शेयर सदस्य तथा अन्य ग्रामिण २ सय ३५ जनालाई विभिन्न प्रकारका रोगहरुको जाँच गरिएको संस्थाका संस्थापक लालबाबु मिश्रले जानकारी दिनुभयो । सहभागीहरुलाई जेनरल फिजिसियन, स्त्री तथा प्रसुति रोग विशेषज्ञ, बाल रोग, हाड जोर्नी तथा नशा रोग विशेषज्ञहरुले चेकजाँच गर्नुका साथै ल्याब जाँच अन्तरगत मधुमेह, पिसाब जाँच, रक्तचाप ईसीजी लगायतका जाँच समेत गरिएको संस्थाका अध्यक्ष ठाकुरले जानकारी दिनुभयो ।