जनकपुरधाम पुस २१ । बैदेशिक रोजगारीमा गएकाहरुको हितमा काम गरीरहेका आप्रवासी हकहित संरक्षण केन्द्रको छैठौँ बार्षिक साधारण सभा शुक्रबार सम्पन्न भएको छ । संस्थाका अध्यक्ष दुखरन यादवको अध्यक्षता तथा जिल्ला समन्वय समिति धनुषाका सभापति राजनन्दन मण्डलको प्रमुख आतिथ्यमा भएको सो कार्यक्रममा सहभागीहरुले आप्रवासी कामदारहरुका साथै बैदेशिक रोजगारबाट फर्केकाहरुलाई भईसकेको विभिन्न प्रकारका समस्याहरुको बारेमा जानकारी गराएका थिए । सो साधारण सभामा संस्थाको प्रगतिका विषयमा जानकारी गराइएको थियो । साधारण सभामा प्रमुख अतिथी मण्डल लगायतका विशिष्ठ अतिथी लक्षमीनियाँ गाउँपालिकाका अध्यक्ष भोगेन्द्र मिश्र,आप्रवासी हमहित संजालका प्रदेश अध्यक्ष जितेन्द्र प्रसाद सिन्हा,मित्र धनुषाका अध्यक्ष रघुवीर राय, रेमीका प्रदेश संयोजक राकेश झा, सामी हेल्मेन्टास नेपालका देव नारायण मण्डल, सामीका कार्यक्रम संयोजक सौरभ कर्ण लगायतको सहभागीता रहेको संस्थाका जिल्ला सदस्य बसन्त कुमार कर्णले जानकारी दिनुभयो ।
                                    

12 महीना पहिले    101 Post Views