जनकपुरधाम, २५ गते । भारतीय प्रान्त बिहारको शिवहर जिल्लामा विराट हिुन्दु सन्त सम्मेलनको आयोजना हुने भएको छ । बिहीवार जनकपुरधाममा आयोजित एक पत्रकार सम्मेलन गरि भारतीय जनता पार्टीका नेता एवम् धर्मानुरागी योगी अखिलेश दासले यही फरबरी १६ र १७ अर्थात फाल्गुन ४ र ५ गते शिवहरमा सम्मेलनको आयोजना हुन लागेको बताए ।
उनले सनातन धर्मको रक्षा र भारतलाई हिन्दु राष्ट्र घोषणा गराउने अभियान अन्तर्गत सह धर्म सभा समेत रहेको सम्मेलनको आयोजना गर्न लागिएको जनकारी गराए । सो सन्त सम्मेलनमा जगन्नाथ पुरी गोवद्र्धन पिठका जगतगुरु अधोश्रजनानन्द देव तिर्थ , स्वामी जितेन्द्रानन्द सरस्वती, बद्रिकाश्रम शंकराचार्य , वासुदेवानन्द सरस्वतीको शिष्य ,अखिल भारतीय सन्त समितिका पदाधिकारीहरु लगायत विभिन्न मठ मन्दिरहरुबाट सन्त महन्थको सहभागी हुने कार्यक्रम रहेको छ ।
उक्त सन्त सम्मेलनमा नेपालबाट पनि सन्त महन्थ र सर्वसाधारणहरुको सहभागिताको लागि अखिलेश्वर दासले आग्रह गरेका हुन् ।