दिपेश मल्लिक
जनकपुरधाम, माघ २७ गते । जनकपुरधाम उपमहानगरपालिका वडा नं. २० रुपैठामा स्थानीयवासिहरुका लागि शनिवार एक दिने निःशुल्क स्थास्थ्य शिविर सञ्चालन गरिएको छ । जनकपुर निरोग्य क्लिनिक एण्ड रिसर्च सेन्टर प्रा.लि.द्वारा आयोजना भएका शिविरमा करिब ८ सय ४२ जना विभिन्न रोगका बिरामीहरुले चेक गराई लाभ उठाएका जनकपुर निरोग्य क्लिनिका सञ्चालक तथा ब्यवस्थापक ललित कुमार झाले बताए ।
 स्थानीय रुपैठा निवासि सञ्चालक झाले शिविरको प्रमुख उद्देश्य असहाय तथा अशक्त जनताहरुका लागि स्थास्थ्य सेवा प्रदान गर्नु हो जनाए । उनले वरिष्ठ फिजिसियन डा. अप्पु झा अविनाशको जन्म स्थल रुपैठा गाउं भएकाले उहांकै सहकार्यमा अनुभवि चिकित्सकहरुद्वारा उपचार गरिएका बताए । 
शिविरमा बिरामीहरुलाई आठ जना डाक्टरहरुले सेवा प्रदान गरेका आयोजक जउमनपा वडा नं. २० का वडा अध्यक्ष मोती राइन कवारी (भोला) ले बताए । उनले विरामीहरुका लागि रगत, दिसा, पिसाब, चिनी, थाइराइड, मुटु जांचका साथै केहि औषधिहरु समेत निःशुल्क उपलब्ध गराएका ध्यानाकर्षण गराए । विशेष सेवा दिने चिकित्सकहरु न्युरो सर्जनमा डा. विजय राउत, स्त्री तथा प्रसुति रोग विशेषज्ञमा डा. विजय कुमार सिंह , बाल रोग विशेषज्ञमा डा. बलराम मण्डल , दन्त रोग विशेषज्ञमा डा. राकेश चौधरी र डा. रबी पाण्डे तथा आंखा रोग विशेषज्ञमा डा. सविन साहु सहितका डाक्टरहरुले आफ्नो अमुल्य समय प्रदान गरेका शिविरका प्रबन्धक उग्रेश मिश्रले बताए ।