जनकपुरधाम, फागुन २ गते ।विद्याकी अधिष्ठात्री देवी सरस्वतीको पूजा-अराधना जनकपुरधाम सहित देशभरि धूमधामले मनाइदैछ। 
बुधवार श्रीपञ्चमीको दिन जनकपुरधामका संस्थागत तथा सामुदायिक विद्यालय तथा क्याम्पसहरुमा विधि विधानका साथ सरस्वती माताको पूजा-अर्चना गरिएको छ। 
विगत दुई दशक देखि शिक्षा क्षेत्रमा स्थापित रहेका श्रीराम माध्यमिक विद्यालयले मूर्ति स्थापना गरि भब्य्ताका साथ विभिन्न कार्यक्रम गरि माता सरस्वतीको पूजा-अर्चना गरेका छन् । 
यस सु-अवसरमा श्रीराम माविका व्यवस्थापक तथा सञ्चालक डा. संतोष कुमार कर्णले अशक्त तथा विपन्न वर्ग भएका विद्यार्थीहरुका लागि आजको दिन फ्रि छात्रवृतिको ब्यवस्था रहेको बताए । 
उनले सरस्वती पूजाको अवसरमा आजको दिन फ्रि नामाकंन तथा विशेष सुविधा दिइएको जनाए । 
उनले विद्यार्थीहरुको लागि पहिलो घर विद्यालय भएकोले अभिभावकले सम्पूर्ण जिम्मेवारी विद्यालयको कांधमा नछोडी बालबालिकाहरुलाई सहि दिशानिर्देश गर्न मिलेर अगाडि बढ्न आग्रह गरे ।
त्यस्तै मधेश प्रदेश जनकपुरधामका चर्चित कलेज रामस्वरुप रामसागर बहुमुखि क्याम्पसमा माता सरस्वतीको पूजाआजा विभिन्न सांस्कृतिक कार्यक्रम गरि मनाएका छन् । 
माता सरस्वतीको पूजा तथा सांस्कृतिक कार्यक्रमको आनन्द उठाउनका लागि दर्शनार्थिहरुको अपाड भिड देखियो ।  
राराब स्वतन्त्र विद्यार्थी युनियन जनकपुरधामका अध्यक्ष मनिस कुमार यादवको नेतृत्वमा सम्पूर्ण तयारी ब्यवस्था मिलाइएको थियो । 
प्रत्येक वर्ष माघ शुक्ल पञ्चमीका दिन मनाइने श्रीपञ्चमी पर्वमा साना बालबालिकालाई आजकै दिनदेखि अक्षराम्भ गराउने चलन रहेको छ । 
माता सरस्वती विद्या र सिर्जनाकी देवी भएकाले विशेषगरी विद्यार्थी साहित्यकार , कलाकार, पत्रकार, शिक्षक आ-आफ्ना कला साधनाका बस्तु कलम-कापी किताव बाद्ययन्त्र आदिलाई सरस्वतीको रुपमा आराधना गर्छन । 
यो दिनलाई बसंत पंचमी पनि भनिन्छ । माता सरस्वतीको पहिलो हातमा वीण, दोस्रोमा पुस्तक , तेस्रोमा माला र चौथो हातमा अभय मुद्रा हुन्छन् । 
माता सरस्वतीको पूजा पहेलो रंगको वस्त्र लगाएर गरेमा अत्यन्त शुभ फलदायी मान्ने गरिन्छ । यो दिन माता सरस्वतीको मंत्रको जाप गर्नु तथा सरस्वतीको वंदना गर्नु धेरै राम्रो मानिन्छ भन्ने चलन छ ।
 
                                    

9 महीना पहिले    238 Post Views