दिपेश मल्लिक
जनकपुरधाम, फागुन १३ गते । जनकपुधाममा अपाङ्गहरुकाे सम्मानमा एक कार्यक्रमको आयोजना भएको छ । 
जनकपुरधाम उपमहानगरपालिका वडा नं. २ कुर्थामा करिब ४० जना अपाङ्ग व्यक्तिहरुलाई सम्मान गरिएको हो । 
जनकपुरधाम उपमहानगरपालिकाका मेयर मनोज साहले अपाङतामैत्री संरचना निर्माणका लागि पहल गरिने बताए । 
मेयर साहले अपाङता भएका व्यक्तिलाई विकासको मूल प्रवाहमा ल्याउन नेपाल सरकारद्वारा नीति एवं कानुन पारित नहुदा मधेशको अपाङता ओझेलमा रहेको बताए । 
उनले अपाङताको सवालमा बहस, पैरवी तथा दबाब सिर्जन गर्ने उद्देश्यले स्थापित संघसंस्थाहरुलाई मिलेर जान आग्रह गरे । 
उनले अपाङता भएका व्यक्तिहरुका लागि आर्थिक सहयोगका साथै आधारभूत आवश्यकताहरु व्हीलचेयर, डंडा पालिकाद्वारा नियमितरुपमा वितरण भएका उल्लेख गरे ।
कार्यक्रममा शारीरिक रुपमा असक्त रहेका अपांगहरुलाई सम्मानमा कम्बल, तन्ना, तौलिया, च्यवनप्राश लगायतका सामग्रीहरु प्रदान गरेका आयाेजकले बताए । जनकपुरधाम उपमहानगरपालिका वडा नं. २१ वडाध्यक्ष राजनारायण साहकाे अध्यक्षतामा सम्पन्न भएका कार्यक्रममा नेपालीका कांग्रेस धनुषाका उपाध्यक्ष गणेश झाले प्राकृतिक अपाङहरुलाई जिविकोपार्जनका लागि मासिक ५ हजारका दरले उपलब्ध गराउन ध्यानाकर्षण गराए । 
उनले अपाङहरुको आत्मवल तथा हौसला बढाउन प्रत्येक वडामा कार्यक्रम हुनुपर्ने जनाए । 
कार्यक्रममा जनकपुरधाम उपमहानगरपालिकाका वडा नं. १३ का वडाध्यक्ष जितबहादुर राउत, नेपाली कांग्रेसका नगर कोषध्यक्ष विरेन्द्र यादव, समाजसेवी डा. इन्द्रकान्त झा, अशोक दास , जिल्ला समन्वय समितिका सदस्यहरु लगायतका उपस्थिति रहेका थिए ।
 
                                    

11 महीना पहिले    141 Post Views