जनकपुरधाम, फागुन २० : जनकपुरधाममा आइतबार स्कुल बसको ठक्करबाट एक महिलाको मृत्यु भएको छ। बसको ठक्करबाट अन्य चार जना घाइते भएको प्रहरीले जनाएको छ।
तीव्र गतिमा रहेको एन्जल्स सेकेन्डरी स्कुलको बसले हिँडिरहेकी एक जना महिलालाई ठक्कर दिएको थियो। जनकपुरधाम उपमहानगरपालिका वडा नम्बर २३ स्थित बिन्धीमा उक्त घटना भएको हो।
दुर्घटनामा जनकपुरधाम उपमहानगरपालिका–२३ बिन्हीकी ३५ वर्षीया राखीदेवी यादवको उपचारका क्रममा मृत्यु भएको जनाइएको छ। घाइतेहरूको विवरण आउन बाँकी छ। 
चालकको लापरबाहीले दुर्घटना भएको बताउँदै अहिले स्थानीय बासिन्दा सडमा उत्रिएका छन्। उनीहरुले टायस बाल्दै बस तोडफोड समेत गरेका छन्।
यसअघि गत माघ २५ गते पनि सोही स्थानमास्कुल बसले ठक्कर दिँदा एक जना साइकल यात्रीको मृत्यु भएको थियो। 
साभार : काठमाडौं प्रेस