दिपेश मल्लिक
जनकपुरधाम,चैत २४ गते । मधेश प्रदेशको राजधानी जनकपुरधाममा ९ दिन सम्म शिव महापुराण कथा यज्ञको आयोजना भएको छ । शिव महापुराण कथा आयोजनाको मूल उद्देश्य विश्व कल्याण तथा शान्ति स्थापना गर्नुहो भनि जानकारी आयोजक पंडित कैलाश झाले दिए । उनले शिव महापुराण कथा सुन्नका लागि भक्तजनहरुको उलेख्य उपस्थिति रहेकाे बताए ।
उनले शिव महापुराण कथा सुन्नाले जीवनमा रहेको हरेक दुःख दुर हुने तथा शिव लोकमा स्थान प्राप्त हुने मान्यता रहेकाे ध्यानाकर्षण गराए । उनले प्रवचनकर्ता भारत मधुवनी विहार निवासी श्री श्री १०८ व्यासजी पंडित दिपक महाराजको मुखारबिन्दवाट बिहिवार देखि शुक्रवार सम्म शिव महापुराण कथाको आयोजना गरिएको जनाए ।
संकल्पकर्ता पंडित कैलास झा र उहांकी श्रीमती रिंकु झाको अथक प्रयासले जनकपुरधाम उपमहानगरपालिका वडा नं. २४ पापमाेचनि सरस्वती नगर कटैयाचारीमा शिव महापुराण कथा नौं दिन सम्म चलेको हो । उनले कथामा विशेष गरि शिवपार्वतीको विवाह, शिवलिंगको उत्पत्ति, शिवको अवतार, शिवको तपस्या, लिला र महाकाल रुपको बारेमा चर्चा भएकाे बताए ।
उनले शुक्रवार अन्तिम दिन रहेको बताउंदै शनिवार महाप्रसादको आयोजना गरिने जानकारी दिए । पंडित झाले समाजको बल र सहयोगले यहां सम्म आएको तथा आफ्नो खल्तीवाट रु. ९ लाख खर्च भईसकेको जनाउंदै करिव ३० लाख बराबरको लागत रहेको उल्लेख गरे । शिव महापुराण कथा आनन्द उठाउनका लागि विशिष्ट अतिथिहरुमा मधेश प्रदेशका शिक्षा मन्त्रालयका सचिव महेन्द्र महतो, जनकपुरधाम उपमहानगरपालिकाका उपमेयर किशोरी साह लगायतका व्यक्तिहरुको उपस्थिति रहेको थियो ।
7 महीना पहिले
248 Post Views
.jpg)
