दिपेश मल्लिक
जनकपुरधाम, वैशाख १२ गते । किशोरी र युवा सशक्तिकरणका लागि प्लान ईन्टरनेशनलद्वारा बैशाख १० देखि १२ गते सम्म तीन दिने आर्ट इज पावर सम्बन्धी कार्यक्रमको आयोजना भएको छ । धनुषाका सबैला नगरपालिका, शहिदनगर नगरपालिका, कमला नगरपालिका र जनकनन्दी गाउंपालिका गरि जम्मा ५ वटा पालिकावाट २० जना किशोरीहरुको सहभागिता रहेका छन् । कला नै शक्ति हो कार्यशाला आयोजनामा किशोरीहरुले बनाएका चित्रहरु बुधवार एक भव्य समारोह बीच प्रदर्शनी गरिएको हो ।
प्लान ईन्टरनेशनलकी लक्ष्मी चौधरीले पितृसत्तात्मक समाज भएका कारण किशोरीहरु खुलेर बोल्न नसकेको धारणा राखिन् । उनिले किशोरीहरुको कौशल विकास तथा सामाजिक सुधारका लागि कला शक्तिको रुपमा रहेको ध्यानाकर्षण गराईन् । उनले किशोरीहरुको लागि सुरक्षित स्थान नभएकोले कलाको माध्यमवाट आफ्नो समस्याहरु प्रस्तुत गर्ने उल्लेख गरिन् ।
आसमान नेपाल र सामुदायिक परिवार कल्याण संघ जनकपुरको साझेदारीमा भएको कार्यक्रममा प्लान इन्टरनेशनलकी युथ कोर्डिनेटर स्मीता थापा , आसमान नेपालीकी रेखा यादव , सविता साह, संजीव सिंह लगायतको उपस्थिति रहेको थियो ।
                                    

1 वर्ष पहिले    191 Post Views