काठमाडौं, जेठ १३ : सदस्यता शुद्धिकरणको बिषय पेचिलो बन्दै गइरहेका बेला नेपाल पत्रकार महासंघको केन्द्रीय कार्यालय संचार ग्राममा तालाबन्दी गरिएको छ।
यूनियन निकट पत्रकार महासंघका केन्द्रीय समितिका सदस्यहरूले नै महासंघका अध्यक्ष विपुर खोखरेल, महासचिव रोशन पुरी, अन्य पदाधिकारीहरु र निर्वाचन समितिको कार्यकक्षमा तालाबन्दी गरेका हुन्।
महासंघका पदाधिकारीले विधान मिचेर केन्द्रीय समिति, संगठन समिति र शुद्धीकरण कार्यदललाई वाइपास गरी सदस्यहरुको सूचीलाई अन्तिम रुप दिन खोजेको आरोप केन्द्रीय सदस्यहरुले लगाएका छन्।
यस्तै, सक्रिय पत्रकारलाई नविकरण सूचीबाट हटाएर चोरबाटोबाट ल्याइएको नामावली सूचीका आधारमा निर्वाचन गर्ने धृष्टता नगर्न समेत उनीहरुले चेतावनी दिएका छन्।
आगामी जेठ २६ हुने निर्वाचनको पूर्वसन्ध्यामा सदस्यता शुद्धिकरणको विषयलाई लिएर महासंघमा ताल्चा मारिएपछि निर्वाचन नै अनिश्चित हुने अवस्था आएको छ ।
साभार : काठमाडौं प्रेस
                                    

5 महीना पहिले    152 Post Views