जनकपुरधाम, जेठ २२ गते ।
British Council र नेपाल युवा संस्था संजालको सहकार्यमा जनकपुरधामका युवा अभियानी आभाष कर्णले पर्यावरण मैत्री शौचालयको निर्माण गराएका छन् ।
उनले खुल्ला दिसा पिसाब मुक्त अभियानको परियोजना अन्तर्गत युवा समुहहरु आयुष कर्ण र सिता पौडेलले सहयोग गरेको जानकारी दिए ।   
जनकपुरधाम उपमहानगरपालिका वडा नं. २४ वडा कार्यालयवाट सिफारिस प्राप्त भएको मुसहर, चमार र अति विपन्न चार परिवारको घरमा शौचालय निर्माण भएको जनाए । 
उनले बसहियाका अकलु सादा, रामनाथ सादा, सुरेश पासवान र शम्भु कर्ण भन्ने व्यक्तिहरुको घरमा शौचालय निर्माण भएको उल्लेख गरे । 
उनले गाउं घरमा पाइने सामग्रीहरु बांस, माटो, रारी, खर, जस्ता सामानहरुको प्रयोग गरी पर्यावरण मैत्री शौचालयको निर्माण भएको ध्यानाकर्षण गराए । 
उनले बाढि तथा पहिरो आएको बेला खुल्लामा दिसा पिसाबले प्रदुषण हुने भएकोले न्यूनिकरण गर्नका लागि पर्यावरण मैत्री शौचालय नमूनाको रुपमा स्थापित हुने जोड दिए । 
उनले शौचालयमा प्रयोग भएको सामानहरु पर्यावरण मैत्री भएकोले वातावरणमा कुनै नकारात्मक असर नपर्ने दावी गरे । साथै निर्माण खर्च पनि कम लाग्ने भएकोले धनी देखि गरिब सम्मको घरमा पुग्ने भएकोले सहज र सरल हुने धारण राखे ।