जनकपुरधाम, जेठ ३२ गते ।महोत्तरी सम्सी गाउंपालिका अन्तर्गत सात वटा वडामा सकारात्मक अभिभावक सम्बन्धि एक दिने प्रशिक्षण ताालिम सुरु भएको छ ।
दलित समाज उत्थान समिति नेपाल जलेश्वरको अयोजनामा र वर्ल्ड भिजन नेपालको आर्थिक सहयोगमा तालिम सञ्चालन गरिएको हो ।  
अभिभावकलाई बालबालिकाहरु प्रतिको जिम्मेवारी बोध गराउनको लागि टोल–टोलमा गएर १२ वटा समूह गठन भएका दलित समाज उत्थान समिति नेपाल जलेश्वरकाे फिल्ड परिचालनकर्ता सुजित कुमार यादवले बताए । 
उनले हरेक समूहमा २५ जना ६ वर्ष मुनिका अति जोखिममा रहेका R.C. बालबालिकाको अभिभावकहरुलाई कार्यक्रममा सहभागी गराईएका जानकारी दिए । 
दलित समाज उत्थान समिति नेपाल जलेश्वरको सामाजिक परिचालनकर्ता एवं प्रशिक्षक माधवेन्द्र ठाकुरले बालबालिकाहरुको संरक्षण र हेरचाहको लागि अभिभावकको सकारात्मक भूमिका र मुख्य दायित्वको बारेमा सशक्त बनाउन प्रशिक्षण दिइएको जोड दिए । 
उनले नौं वटा समूहमा तालिम दिईसकेको र वांकि समूहलाई चाडै प्रशिक्षण दिईने उल्लेख गरे । 
उनले कार्यक्रममा सहभागिहरुलाई बाल सन्देश शिक्षाका संगै बालबालिकाहरुलाई हौसला बढाउन उत्प्रेरणा प्रदान गर्नका लागि प्रेरित गरेको जनाए । साथै कार्यक्रमले सहभागी अभिभावकहरुलाई बालबालिकाको जिम्मेवारी प्रति संवेदनशिल बनाउन खोजेको बताए ।
                                    

5 महीना पहिले    180 Post Views