जनकपुरधाम असार ३ गते । धनुषा जिल्लाको बिदेह नगरपालिका ९ बैदहीका आमा समुहका सदस्यहरुलाई मंगलबार सचेतना कार्यक्रम सम्पन्न भएको छ । प्लान इन्टरनेशनल नेपालको सहयोगमा बिदेह नगरपालिकाको समन्वय तथा सामाजिक विकास र अनुसन्धान केन्द्र जनकपुरधामको आयोजनामा पानी सुरक्षा सप्ताह अन्तरगत त्यहाका आमा समुहलाई बालबालिकाहरुलाई पानीमा डुब्नबाट बचाउन सचेतना बढाउन अन्तरक्रिया गरिएको छ ।
सशक्त बालिका परियोजना अन्रतगत आमा समुहका सदस्यहरुलाई स्वास्थ्य स्वय.सेविका रंजना पाण्डेले बालबालिकाहरुलाई ििबभन्न प्रकारका दुर्घटनाबाट बचाउन जानकारी दिनुभएको थियो । सो कार्यक्रममा ईटहर्वा स्वास्थ्य चौकीका ईचार्ज अनिल कुमार यादवले सुनौलो हजार दिनका फाइदानहरुका बारेमा जानकारी गराउदै बालबालिकाहरुको उचित स्याहार तथा पोषणका बारेमा सहभागी आमा समुहका सदस्यहरुलाई जानकारी गराउनु भएको थियो ।
सो कार्यक्रममा केन्द्रका सशक्त बालिका परियोजनाका कार्यक्रम अधिकृत निकिता सिँह यादवले साना बालबालिकाहरुलाई घरमा हुने दुर्घटनाबाट बचाउन आमाले खेल्नुपर्ने भुमिकाकोे बारेमा जानकारी गराउनु भएको थियो । सहभागीहरुलाई फिल्ड सुपरभाईजर विजय कुमार साह तथा निर्मला चौधरीले अहिले सम्मको कामहरुका बारेमा जानकारी लिदै परियोजना अन्तरगत सिकेका कुरालाई आफ्ना बालबालिकाहरुको विकासमा लगाउन सहभागीहरुलाई जानकारी गराउनु भएको थियो । आफुहरुले यो परियोजना आए देखि आफ्नो साना बालबालिकाहरुको सर्वाङिगक विकासका लागि धेरै कुराहरुको बारेमा जानकारी दिएको आमा समुहका अध्यक्ष बबिता सादाले जानकारी दिनुभयो । सो वडाका दलित महिला सदस्य लक्षमिनियाँ सादाले सामाजिक विकास र अनुसन्धान केन्द्रले आफुहरुको दलित बस्तीका बालबालिकाहरुको क्षेत्रमा धेरै जनचेतनाका कार्यक्रमहरु गरेको जानकारी गराउनु भयो ।
                                    

10 महीना पहिले    156 Post Views