जनकपुरधाम, असार २५ गते । जनकपुरधाम उपमहानगरपालिकाका प्रधानाध्यापकहरुले शिक्षकको तलव भत्ता वापतको रकम रोक्का गर्ने काम अव्यवहारिक भएको जोड दिएका छन् । 
नेपाल शिक्षक संघ नगर अध्यक्ष एवं स्थानीय कार्य समितिका गौरीशंकर लाल कर्णले उपमहानगरपालिकाले तलब भत्ता निकासा गरेपनि दरबन्दी मिलान नभएको नाममा शिक्षकहरुको तलब रोक्नु वैधानिक नभएकाे गुनासो गरेका छन् । 
उनले प्रधानाध्यापकहरूले जनकपुरधाम उपमहानगरपालिकामा मंगलबार यसको विरोधमा डेलिगेशन बुझाउन लागेको बताए ।  
उनले जनकपुरधाम उप–महानगरपालिका भित्र सामुदायिक विद्यालयमा कार्यरत शिक्षक, कर्मचारीहरुको २०८१ साल वैशाख देखि हाल सम्मको तलव भत्ता भुक्तानी नभएको ध्यानाकर्षण गराए । 
नेपाल शिक्षक संघ धनुषाका अध्यक्ष रामस्निेही यादवले जनकपुरधाम उपमहानगरपालिकाका शिक्षाशाखामा पटक–पटक ताकेता गर्दा पनि कुनै पहल नभएको कारण चरवद्ध आन्दोलन गर्न बाध्य हुने चेतावनी दिए ।  
 उनले सामुदायिक विद्यालयमा कार्यरत अस्थायी प्रकृतिका सवै तहमा कार्यरत शिक्षक कर्मचारीहरुलाई कामकाजमा नखटाउने उपमहानगरपालिकाको निर्णय आपत्तिजनक रहेको बताए । 
उनले डेलिगेशन बुझाए पछि पनि आफूहरुको माग सम्बोधन नभए चरणवद्ध आन्दोलन गर्न बाध्य हुने ध्यानाकर्षण गराए ।
नेपाल ट्रेड युनियन धनुषाका अध्यक्ष एवं प्रधानाध्यापक महावीर दासले जनकपुधाम उपमहानगर्पालिकाले शिक्षक माथि अघात पुर्याउनु भनेको विद्यालयको पठनपाठनलाई तहसनहस गर्न खोजेको बताए । 
उनले अस्थायी प्रकृतिका सवै तहमा कार्यरत शिक्षक– कर्मचारीहरुलाई कामकाजमा नखटाउने उपमहानगरपालिकाको निर्णय अब्यवहारिक भएकोले निर्णय फिर्ता लिन आग्रह गरेका छन् ।
                                    

9 महीना पहिले    473 Post Views