काठमाडौं ,साउन १७ गते । नेपाल टेलिकमको सेवा आज राति ४ घन्टासम्म प्रभावित हुन सक्ने भएको छ । टेलिकमले आज एक सूचना निकाल्दै बिलिङ प्रणाली स्तरोन्नति गर्न लागेकाले ब्यालेन्स रिचार्ज, प्याकेज खरिद र क्वेरी सेवा प्रभावित हुनसक्ने बताएको हो । सेवा प्रभावित हुनभन्दा पहिले नै सो सेवा लिनु पर्ने भए लिन अनुरोध गरिएको छ ।
आज राति ११ बजेदेखि ३ बजेसम्म मोबाइल भ्वाइस, डेटा, एसएमएस तथा पीएसटीएन, एफटीटीएच, भ्वाइस, डेटा र आईपीटीभी लगायतका सेवा भने चल्ने छ ।
‘नेपाल टेलिकमको बिलिङ्ग प्रणाली स्तरोन्नति कार्यका लागि आज राति ११ बजेदेखि करिव ४ घण्टा अवधिका लागि सेवाहरू प्रभावित हुनसक्ने छ, टेलिकमले निकालेको सूचनामा उल्लेख छ ।

साभार : नेपाल प्रेस
                                    

4 महीना पहिले    97 Post Views