दार्चुला कार्तिक ३० गते । दार्चुलामा जीप दुर्घटना हुँदा ६ जनाको भएको छ। घटना स्थलबाट ७ जनालाई घाइते अवस्थामा उद्धार गरि अस्पताल पठाइएको छ । मालिकार्जुन गाउँपालिका-३ अवस्थित मालिकार्जुन मन्दिरमा लागेको रात्रिकालिन जात्राबाट फर्केर गोकुलेश्वरतर्फ जाँदै गरेको म १ ज ३३८ नम्बरको जीप शुक्रवार बिहानै शैल्यशिखर नगरपालिका – ६ ग्वानीको सिराडी धारमा दुर्घटनामा परेको प्रहरीले जनाएको छ । दुर्घटनामा परी ४ जनाको घटनास्थलमै मृत्यु भएको जिल्ला प्रहरी कार्यालय दार्चुलाका प्रहरी प्रमुख प्रहरी नायब उपरीक्षक प्रकाश दाहालले जानकारी दिनुभयो।
उहाँका अनुसार जीप सडक बाट करिब ३ सय मिटर तल खसेको छ। घटनामा परि मृत्यु भएकाहरूको पहिचान हुन नसकेको प्रहरीले जनाएको छ । घटना स्थलमा अँध्यारो भएका कारण उद्धारमा कठिनाइ भइरहेको प्रहरीले जनाएको छ । नेपाल प्रहरी, सशस्त्र प्रहरी र स्थानीय उद्धार कार्यमा जुटेका छन् । घटना राति करिब ३ बजेतिर भएको अनुमान छ ।
साभार : रेडियो नेपाल
