जनकपुरधाम, मंसिर २९ गते ।  नेपाल पत्रकार महासंघ धनुषाको अध्यक्षमा पुरन साह विजयी भएका छन्। उनले ८२ मत प्राप्त गरेर आफ्नो प्रतिद्वन्द्वीलाई पराजित गरेका हुन्। साहका निकटतम प्रतिद्वन्द्वी नित्यानन्द मण्डलले ५१ मत प्राप्त गरेका थिए।
महासंघको उपाध्यक्ष पदमा अवधेस कामत विजयी भएका छन्। उनले ७० मत ल्याएर प्रतिस्पर्धी संजीवकुमार झालाई पराजित गरे। झाले ४० मत प्राप्त गरेका थिए। उपाध्यक्ष पदको चुनावमा कामतको जित निर्णायक बनेको देखिन्छ।
महिला उपाध्यक्ष पदमा नेहा झा विजयी भएकी छिन्। उनले ७७ मत प्राप्त गर्दै प्रतिद्वन्द्वी वरुणा कर्णलाई हराइन्। वरुणाले भने ४७ मत प्राप्त गरेकी थिइन्। झाको जितले महासंघमा महिलाको नेतृत्वलाई थप बलियो बनाएको छ।
सचिव पदमा बटुकनाथ झाले ५६ मत ल्याएर जित हात पारेका छन्। उनका निकटतम प्रतिद्वन्द्वी सुभाष कर्णले ३८ मत मात्र प्राप्त गरे। 
यसरी नेपाल पत्रकार महासंघ धनुषाको निर्वाचनमा पुरन साहको नेतृत्वमा नयाँ टोली चयन भएको छ। चुनावी परिणामले महासंघमा नयाँ उत्साह र ऊर्जा थपेको देखिन्छ।
                                    

1 वर्ष पहिले    202 Post Views