जनकपुरधाम, पुस २३ गते । चिसो हावासँगै बिहानदेखि चलेको शीतलहरका कारण मधेश प्रदेशका गरिब तथा विपन्न वर्गका मानिस प्रभावित भएका छन् ।
बिहानदेखि पश्चिम तथा दक्षिणबाट चलेको चिसो हावाका कारण चिसो निकै बढेको छ । चिसोबाट जोगिनका लागि सर्वसाधारणले ठाउँ ठाउँमा आगो बालेर तापेको देखिन्छ ।
अत्यधिक चिसो भएपछि गरिब तथा विपन्न वर्गका व्यक्ति, ज्येष्ठ नागरिक, दम, हाडजोर्नीका समस्या भएका व्यक्ति, अशक्त तथा बिरामी बढी मारमा परेका छन् ।
यसै गरि रुघाखोकी तथा कोल्ड डायरियाका अस्पतालमा आउने बिरामीको सङ्ख्या पनि बढेको छ ।
घाम नलागेका कारण जनकपुर विमानस्थलमा एउटा पनि उडान हुन सकेको छैन ।
चिसोबाट मधेश प्रदेशका धनुषा, महोत्तरी, सर्लाही, सिरहा तथा सप्तरी जिल्लाको जनजीवन बढी प्रभावित भएको छ ।

साभार ः रेडियो नेपाल