जनकपुरधाम,माघ ५ गते । धनुषाको धनौजी गाउँपालिका- ४ स्थित भडरियाबाट पेस्तोलसहित दुई युवालाई सशस्त्र प्रहरीले पक्राउ गरेको छ ।
पक्राउ पर्नेमा भारतको मधुवनी सिलानाथ बरही ग्राम पञ्चायत- ५ का २१ वर्षीय रुपेशकुमार यादव र धनुषाको क्षिरेश्वरनाथ नगरपालिका- ८ सीतानगरका २४ वर्षीय तेजेशकुमार महतो छन् ।
बीआर ३२ एडब्ल्यू १८११ नम्बरको भारतीय मोटरसाइकलमा दुबै जना चढेर गइरहेको बेला शंका लागेर सशस्त्र प्रहरीका इन्स्पेक्टर रवीन्द्र दाहाल नेतृत्वको टोलीले चेकजाँच गरेको थियो ‌। सो क्रममा उनीहरुको साथबाट ९ एमएम ब्राउनिङ पेस्तोल १ थान, सोको म्यागजिन १ थान र गोली राउन्ड १ थान बरामद भएको सशस्त्र प्रहरी बल नं. ८ गण हेडक्वाटर धनुषाका प्रमुख एसपी दर्शन गिरीले जानकारी दिए ।
उनका अनुसार नेपाली नगद ३ हजार ४५, भारतीय नगद ८० रुपैयाँ र तीन थान मोबाइल पनि बरामद भएको छ ‌। दुबै जनामाथि थप अनुसन्धान भइरहेको प्रहरीले जनाएको छ ।
साभार ः नेपाल प्रेस
                                    

5 महीना पहिले    48 Post Views