जनकपुरधाम ,चैत २१ गते । श्रद्धा, भक्ति एवं धार्मिक सहिष्णुताको मनाइँदै आएको चैती छठको जनकपुरधाममा रौनक छाएको छ । जनकपुरधामस्थित गंगासागर पोखरीमा ब्रतालुहरु श्रद्धापूर्वक छठ मनाइदैछ ।
चैती छठको मुख्यदिन आज ब्रतालुहरुले अस्ताउँदो सूर्यलाई अघ्र्य चढाएका छन् । कार्तिकमा मनाइने छठ जस्तै विधि चैती छठमा पनि गरिन्छ । आजको रात घाटमै विताएर भोली विहान उदाउँदो सूर्यको अघ्र्य चढाएर छठ विधिवत समापन गरिनेछ ।
छठ पर्वको प्रसादका रूपमा केरा, सुन्तला, नरिवल, अदुवा, गहुँको पिठोले बनाइएको ठेकुवा, उखु लगायतका प्रसाद बासले बनेको छिटा, दौरा, सुप तथा माटोले बनेको हात्ती, ढकना, दियो र कलशलगायत पूजा सामग्रीको प्रयोग गरिन्छ । जसलाई शुद्धताको प्रतिकको रूपमा लिइन्छ ।
छठ पर्व गर्दा घरमा सुख शान्ति हुने तथा चर्मरोग निको हुने धार्मिक विश्वास छ । कार्तिकमा लगभग मधेसका सतप्रतिशतले छठ मनाउँछन् । त्यसको तुलनामा चैती छठ थोरेले मनाउँछन् । यद्पी पछिल्लो समय चैती छठ मनाउनेको संख्या पनि बढेको देखिन्छ ।

साभार : नेपाल प्रेस
                                    

1 दिन पहिले    5 Post Views