जनकपुरधाम ,चैत २६ गते । प्रधानमन्त्रीले केपी शर्मा ओलीसँग विभिन्न राजनीतिक दलका संसदीय दलका नेताहरूले भेटघाट गरेर मधेश प्रदेशले उठाउँदै आएका माग शीघ्र सम्बोधन गर्नु माग गर्नुभएको छ ।
मधेश प्रदेशका मुख्यमन्त्री सतिश कुमार सिंह, सभामुख रामचन्द्र मण्डल सहितका अन्य दलका नेताहरूले प्रहरीसम्बन्धी अधिकार प्रदेश सरकारको एकल अधिकार भएकाले प्रहरी तथा निजामती ऐन चाँडो ल्याइदिन आग्रह गर्नुभयो ।
यसका साथै मधेशको वन तथा वातावरणमा थप प्रभाव पार्ने गरी ल्याइएको भूमिसम्बन्धी अध्यादेशमा रहेका त्रुटिबारे पनि उहाँहरूले प्रधानमन्त्रीको ध्यानाकर्षण गराउनुभएको थियो ।
मधेश प्रदेश सरकारलाई दिइँदै आएको बजेट न्युन भएको विषयमा पनि ध्यानाकर्षण गराइएको मधेश प्रदेशमा प्रमुख प्रतिपक्षी दलका नेता, जनता समाजवादी पार्टी नेपालका संसदीय दलका नेता सरोज कुमार यादवले जानकारी दिनुभयो ।
आफूहरूले प्रधानमन्त्रीलाई जानकारी दिएको विषयमा उहाँ पूर्ण जानकार भए पनि माग सम्बोधनमा ढिलाइ भएकाले सङ्घीयताको कार्यान्वयनमा पनि समस्या भइरहेको नेताहरूले बताउनुभयो ।
साभार : रेडियो नेपाल
5 दिन पहिले
9 Post Views
.jpg)
-(37)-1744453180_1744464230.jpeg)
