किशोर मंडल
जनकपुरधाम, वैशाख २२ गते । सबैला, ८ – मिति २०८२ साल वैशाख २२ गते, विहान ७ बजे देखि सबैला नगरपालिका–८ स्थित आधारभूत विद्यालय ठिल्ला यदुवा मा नयाँ शैक्षिक सत्र २०८१/८२ को अवसरमा भर्ना अभियानको औपचारिक सुरुवात गरियो। ‘सबै बालबालिकाको विद्यालयमा सहभागिता, गुणस्तरीय शिक्षा प्राप्तिको सुनिश्चितता’ भन्ने नाराका साथ देशभर सञ्चालन भइरहेको विद्यार्थी भर्ना अभियान अन्तर्गत विद्यालयले विद्यालयबाहिर रहेका बालबालिकालाई शिक्षाको दायरामा ल्याउने उद्देश्य राखेको छ। कार्यक्रमको अध्यक्षता विद्यालयका प्रधानाध्यापक श्री दिनेश कुमार राय ले गर्नुभयो। अभियानमा शिक्षकहरू वीरेन्द्र साह, राम उदगार राउत, किशोर मंडल, निर्मला कापर, गीता देवी साह र सुनिल राय लगायत अन्य शिक्षक-शिक्षिकाहरूले सक्रिय भूमिका निर्वाह गर्नुभएको थियो। अभियानका क्रममा स्थानीय अभिभावकहरूलाई विद्यालयको शैक्षिक वातावरण, उपलब्ध स्रोतसाधन र बालमैत्री शिक्षण प्रक्रियाबारे जानकारी गराइएको थियो। विद्यालय प्रशासनले बालबालिकालाई शिक्षाको मूलधारमा ल्याउँदै समावेशी र गुणस्तरीय शिक्षा प्रदान गर्न प्रतिबद्धता व्यक्त गरेको छ।
                                    

4 दिन पहिले    40 Post Views