जनकपुरधाम ,वैशाख २३ गते । सिरहा र धनुषा जोड्ने कमला नदीमा बाढी आएपछि हुलाकी राजमार्ग अवरुद्ध भएको छ ।बाढीले अस्थायी पुल बगाएपछि हुलाकी राजमार्ग अबरुद्ध बनेको हो । सोमबार राति सिरहा र धनुषा साथै पहाडमा भारी वर्षा भएपछि बाढी आएको हो ।
आज विहान आएको बाढीले अस्थायी बाँसको पुल बगाएपछि आवत-जावत पूर्णरुपमा बन्द भएको सिरहा नगरपालिका ६ का वडाध्यक्ष इन्द्रजीत यादवले जानकारी दिए । उनका अनुसार अस्थायी पुल सिरहा नगरपालिकाले बनाएको थियो ।
कमला नदीमा पुल निर्माण भएर उद्घाटनको तयारी भइरहँदा ०७८ असारमा भासिएको थियो । तीनवटा पिलर भासिएपछि पुल काम नलाग्ने भएको छ ।ठेकेदार कम्पनीले भासिएको पिलरको स्थानमा अर्को पिलर राखेर पुल सञ्चालनमा ल्याउने सम्झौता गरेपनि काम भएको छैन । पुल सञ्चालनमा नआएपछि सिरहा नगरपालिकाले बनाएको अस्थायी पुलबाट मानिसहरु आवत-जावत गर्दै आएका थिए ।तर, काम चलाउ अस्थायी पुल पनि बाढीले बगाएपछि आवत-जावत पूर्णरुपमा बन्द भएको छ । आवत-जावत बन्द भएपछि यात्रुहरु मारमा परेका छन् ।

साभार : नेपाल प्रेस
                                    

3 दिन पहिले    14 Post Views