जनकपुरधाम ,वैशाख २७ गते । मधेस प्रदेशका मुख्यमन्त्री सतिश कुमार सिंहले भारतको पहलगाममा गरेको आतंकी हमलाको प्रतिकार आवश्यक रहेको बताएका छन् ।
 
भारत-पाकिस्तानबीच तनाव बढेका बेला मुख्यमन्त्री सिंहले आफ्नो धारणा सार्वजनिक गरेका हुन् । उनले भारत सरकार र त्यहाँका जनताप्रति गहिरो संवेदना र ऐक्यबद्धता व्यक्त गरेका छन् ।
उनले भनेका छन्, ‘जब कुनै राष्ट्र बारम्बार आतङ्कको निशानामा पर्छ, तब प्रतिकार गर्नु अधिकार मात्र होइन, दायित्व पनि हुन जान्छ । भारतको यी प्रयासहरूलाई हामीले समर्थन गर्नुपर्छ, किनभने आतङ्कविरुद्धको लडाइँ कुनै एक देशको मात्र होइन्, हामी सबैको साझा लडाइँ हो ।’
आतंकवादको कुनै धर्म, जात, वा सिमाना नहुने गरेको भन्दै मुख्यमन्त्री सिंहले कायरता मानवताविरुद्धको अपराध हो र यसको प्रतिकार आवश्यक रहेको उल्लेख गरेका छन् ।
 ‘आजको घडीमा हामीलाई चुप लाग्नु होइन, सत्यको पक्षमा बोल्न आवश्यक छ । आतंककारीहरूलाई मौन साथ होइन्, खुलेर प्रतिकार चाहिन्छ,’ उनले भनेका छन्, ‘मधेश भारतको साथमा छ । आज पनि, भोलि पनि र सदैव ।’

साभार : नेपाल प्रेस
                                    

25 दिन पहिले    26 Post Views