जनकपुरधाम, जेठ ९ गते । मुक्त हरवाचरवा अधिकार मंचले आगामी आर्थिक वर्ष २०८२/०८३ का लागि सरकारले प्रस्तुत गर्ने नीति, कार्यक्रम र बजेटमा हरवाचरवा समुदायका माग समेट्न आग्रह गरेको छ।
जनकपुरधाममा बिहीबार आयोजित पत्रकार सम्मेलनमा मंचका केन्द्रीय अध्यक्ष दशनलाल मण्डलले हरवाचरवाको प्रभावकारी पुनःस्थापनका लागि तीनै तहका सरकारलाई समन्वयात्मक कदम चाल्न आह्वान गरे।
उनले वास्तविक तथ्यांक संकलन गरी परिचयपत्र वितरण गर्ने, नागरिकता, मानवोचित आवास, कृषियोग्य जमिन, रोजगारी, तथा प्राविधिक, व्यवसायिक र उच्च शिक्षामा पहुँच सुनिश्चित गर्न समावेशी प्याकेज ल्याउन माग गरे।
मंचले हरवाचरवाको ऐतिहासिक मुक्ति घोषणालाई पूर्ण रूपमा कार्यान्वयन गर्न मन्त्रिपरिषद्बाट पुनःस्थापनसम्बन्धी कार्ययोजना र निर्देशिका तत्काल पारित गर्न पनि जोड दिएको छ। साथै, सबै स्थानीय तहलाई परिचालित गरी हरवाचरवाको यथार्थ तथ्यांक संकलन र व्यवस्थापनका लागि परिचयपत्र वितरण प्रक्रिया छिटो सुरु गर्न सरकारसमक्ष माग गरिएको छ।
9 दिन पहिले
14 Post Views
.jpg)
