सर्लाही, असार २० : जिल्ला प्रहरी प्रमुखलाई धम्क्याएको आरोपमा अशोक राई नेतृत्वको जनता समाजवादी पार्टी (जसपा) मधेश प्रदेशका अध्यक्ष अशोक यादवविरुद्ध पक्राउ पुर्जी जारी भएको छ।
जिल्ला प्रहरी कार्यालय सर्लाहीका एसपी योगेन्द्रकुमार खड्कालाई फोनमार्फत गाली र धम्की दिएको आरोपमा यादवविरुद्ध पक्राउ पुर्जी जारी भएको हो। 
यसअघि नेता यादव र जिल्ला प्रहरी प्रमुख खड्काबीच फोनमा विवाद भएको अडियो बाहिरिएको थियो। फोनमा नेता यादवले खड्कालाई अपशब्द बोलेको बताइएको छ। 
जसपा मधेश प्रदेश अध्यक्ष यादवले प्रहरी प्रमुख खड्कालाई ‘मधेशमा लुट्न आएको’ भन्ने आरोप समेत लगाएका थिए। 
धम्कीको अडियो सार्वजनिक भएपछि यादवविरुद्ध पक्राउ पुर्जी जारी भएको हो। यस बिषयमा अशोक राई नेतृत्वको जसपाले अहिलेसम्म कुनै प्रतिक्रिया जनाएको छैन्।
साभार : काठमाडौं प्रेस
                                    

3 महीना पहिले    63 Post Views