जनकपुर, साउन ११ : जनकपुरधाममा जनता समाजवादी पार्टी नेपाल निकट समाजवादी युवा संघका युवाहरुले पानी माग्दै सरकारविरुद्ध प्रदर्शन गरेका छन्।
आइतबार घैला, बाल्टिन, जग बोकेर सरकारसँग पानी माग्दै मधेश प्रदेशका मुख्यमन्त्री सतिशकुमार सिंहविरुद्ध नाराबाजी गर्दै युवाहरुले जुलुस निकालेका हुन्। 
उनीहरुले भ्रष्ट सरकार पानी दे, चुरे दोहन बन्द गर, राहत प्याकेज घोषणा गर, किसान विरोधी सरकार होसियार, किसान मार्न पाइँदैन जस्ता नारा लगाउँदै जनकपुरधामको जनकचोकबाट जुलुस निकालेर मुख्यमन्त्री कार्यालय पुगेका थिए। 
उनीहरुले मुख्यमन्त्री सिंहलाई चार बुंदे मागसहितको ज्ञापन पत्र पनि बुझाउन पुगेकोमा, मुख्यमन्त्री सिंह काम विशेषले काठमाडौ गएका कारण मधेश प्रदेशका प्रमुख सचिव मदन भुजेललाई ज्ञापन पत्र बुझाएर ध्यानाकर्षण गराएका थिए।
साभार : काठमाडौं प्रेस
                                    

3 दिन पहिले    10 Post Views