काठमाडौं । अभिनेत्री कंगना रनोट तमिल फिल्म चन्द्रमुखी २ मा देखिने भएकी छिन् । यो फिल्म २००५ को क्लासिक हरर कमेडी चन्द्रमुखीको सिक्वेल हो । चन्द्रमुखी २ का लागि फाइनल भएको जानकारी कंगनाले नै आफ्नो सोसल मिडिया ह्यान्डलमा दिएकी छिन् । यो चलचित्रलाई पी वासुले निर्देशन गर्नेछन् । अर्कोतर्फ, कंगनाको अपोजिटमा तमिल अभिनेता राघव लरेन्स देखिनेछन्, जो कञ्चना १ र कञ्चना २ र कञ्चना ३ जस्ता हरर कमेडी फिल्मका लागि परिचित छन् ।
 
पहिलो भागमा ज्योतिका सरवनन बनेकी थिइन् चन्द्रमुखी
 

 
रजनीकान्त र ज्योतिका सरवननले २००५ मा फिल्म चन्द्रमुखीमा काम गरेका थिए । चन्द्रमुखी सन् २००४ को फिल्म आपटामित्राको रिमेक हो, जो आफैं सुपरस्टार मोहन लालको मलयालम फिल्म मणिचित्रथजु को रिमेक हो । साथै, अक्षय कुमार र विद्या बालन स्टारर फिल्म भुल भुलैयामा मञ्जुलिकाको चरित्र पनि चन्द्रमुखीबाट लिइएको थियो ।
 

 
चन्द्रमुखी २ को छायांकन डिसेम्बरबाट सुरु हुनेछ
 
मिडिया रिपोर्टका अनुसार कंगनाले डिसेम्बरको पहिलो साताबाट फिल्मको सुटिङ सुरु गर्दैछिन् । इमर्जेन्सी फिल्मको कामबाट अलिकति ब्रेक लिएर उनले यो फिल्मको काम सुरु गर्नेछिन् । जनवरीमा इमर्जेन्सीको सुटिङ सकिएपछि कंगनाले चन्द्रमुखी २ को दोस्रो शेड्युलको छायांकन सुरु गर्नेछिन् ।
 
कंगना चन्द्रमुखीको भूमिकाका लागि उत्साहित छिन्
 
समाचारका अनुसार चन्द्रमुखी २ लाई लाइका फिल्म्सले निर्माण गर्नेछ, जसले हालै वर्षको सबैभन्दा ठूलो फिल्म पीएसवानलाई निर्देशन गरेको छ । कंगना यो फिल्मलाई लिएर निकै उत्साहित छिन् । फिल्मको बारेमा कुरा गर्दै कंगनाले लेखेकी छिन्, ‘म आफूलाई धेरै भाग्यशाली मान्छु कि अर्को तमिल फिल्ममा पी वासु जीसँग काम गर्ने मौका पाइरहेको छु ।’साभार : रातोपाटी

                                    

2 वर्ष पहिले    285 Post Views