जनकपुरधाम , जेठ ८ गते । नेपालको संविधान २०७२ जारी भएपछि बनेको संघीय संरचना अन्तर्गतको मधेश प्रदेश सरकारबाट पहिलो पटक मधेशवादी दल बाहिर पुगेका छन् ।
जनता समाजवादी पार्टी नेपालसँग लोकतान्त्रिक समाजवादी पार्टी नेपालको मधेश प्रदेशमा एकता भएकै दिन नेपालका तीन ठूला दलको नयाँ समीकरण बनेपछि मधेशवादी दलहरू पहिलो पटक सत्ता बाहिर पुगेका हुन् ।
प्रदेश सभाको पहिलो चुनावपछि मधेशवादी दुई दलको गठबन्धनले पूर्ण बहुमतको सरकार बनेको थियो । तत्कालीन मधेशी जनअधिकार फोरम र तराई मधेश लोकतान्त्रिक पार्टी गठबन्धन गरेर चुनाव लडेर मधेश प्रदेशमा बहुमतको सरकार बनाएका थिए ।
साभार: रेडियो नेपाल
