महोत्तरी, जेठ ८ गते  । महोत्तरीको मनरासिस्वा नगरपालिका वडा(७ सरपल्लोमा दुई साख्खै दिदी बहिनीसहित तिन बालिकाको नदीमा डुबेर मृत्यु भएको छ । सोही वडा निवासी विरेन्द्र भण्डारीकी छोरी वर्ष १३ की स्नेहा भण्डारी तथा वर्ष ६ की शिवानी भण्डारी तथा सोही ठाउँ बस्ने अजिज नदाफकी छोरी अफ्साना खातुनको नदीमा डुबेर मृत्यु भएको हो ।

सरपल्लो स्थित मुनीलाल माध्यमिक विद्यालयको कक्षा ६ मा अध्ययनरत स्नेहा र अफ्साना अंकुशी र जङ्घा खोलाको दोभानमा नुहाउने पुगेको आफन्तले जनाए । उनीहरूसँगै स्नेहाकि बहिनी समेत दिदी पछ्याउँदै नदीमा पुगेकी थिइन ।
नुहाउने क्रममा खुट्टा चिप्लिदा ठुलो खाल्डोमा डुबेको मृतक बालिकाहरू स्नेहा र शिवानी कि हजुरआमा मरनी देवीले बताउनुभयो । 
साभार:: रेडियो नेपाल