जनकपुरधाम, असार १५ गते । यामाहाको आधिकारिक विक्रेता जानकी अटो सेन्टर, जनकपुरधाम ले रंगभूमि मैदान (बारह बिघा) मा असार १४ गतेदेखि सुरु गरेको ‘यामाहा बेस्ट एक्सचेन्ज मेला’ मा ग्राहकहरूको उत्साहजनक सहभागिता देखिएको छ। मेला असार १९ गतेसम्म सञ्चालन हुनेछ।
जानकी अटो सेन्टरका सञ्चालक रञ्जन यादव का अनुसार मेलामा नयाँ यामाहा मोटरसाइकल तथा स्कुटर खरिद गर्ने ग्राहकका लागि २ वर्षसम्मको रोड ट्याक्स निःशुल्क, विशेष नगद छुट (Cash Discount), Value Addition तथा निःशुल्क हेल्मेट लगायतका आकर्षक योजना उपलब्ध गराइएको छ।

साथै, पुराना मोटरसाइकल तथा स्कुटरको उचित मूल्यांकन गरी नयाँ यामाहा सवारीसँग सहज एक्सचेन्ज गर्ने व्यवस्था पनि मिलाइएको सञ्चालक यादवले जानकारी दिए।
सीमित अवधिका लागि सञ्चालन भइरहेको यस मेलाबाट यामाहाका नयाँ मोडलहरू आकर्षक सुविधासहित खरिद गर्ने सुनौलो अवसर रहेको भन्दै आयोजकले सबैलाई मेला अवलोकन तथा योजनाको लाभ लिन आग्रह गरेको छ।