जनकपुरधाम माघ ५ गते । धनुषा जिल्लाको विभिन्न पालिकामा दन्त उपचार गर्ने सम्झौता अनुसार काम गरिरहेका अप्पन डेन्टल चेम्बर्सले चार वर्ष सम्म जनकपुरधामका नागरिकलाई निःशुल्क दन्त स्वास्थ्य सेवा दिनेछ । जनकपुरधाम उपमहानगरपालिकाका मेयर मनोज साह तथा चेम्बर्सका अध्यक्ष डा. अजय कुमार शाह बिच भएको सम्झौता अनुसार उपमहानगरपालिका सम्पुर्ण मतदातालाई निःशुल्क दन्त स्वास्थ्य सेवा गर्ने भएका छन् । चेम्वर्सको क्लिनिक अस्पताल रोडमा विहान १० बजे देखि २ बजे सम्म दन्त र मुख परिक्षण गर्ने, दाँत झिक्ने सेवा तथा ज्येष्ठ नागरिक, एकल महिला, अपाङग , असक्तको अस्थायी दाँत राख्ने सम्झौता भएको जारी विज्ञप्तीमा उल्लेख छ । यो भन्दा पहिला जिल्लाको धनुषाको सबैला नगरपालिका, मुखियापट्टी मुसहरनियाँ गाउँपालिका लगायतका स्थानीय तहसंग समेत सम्झौता गरी सो पालिकाका मतदातालाई समेत निःशुल्क दन्त स्वास्थ्य सेवा प्रदान गरिरहेको डा. शाहले जानकारी दिनुभयो ।
                                    

2 वर्ष पहिले    421 Post Views