दिपक बस्नेत 

जेठ १४, तामाकोशी । 
तामाकोशी गाउँपालिमा आज २६ जनामा कोरोना भाइरस (कोभिड १९) संक्रमण पुष्टि भएको छ । आजै पालिका भित्रका संक्रमित मध्ये १९ जनाले कोरोनालाई जितेका छन् ।  
आज गाउँपालिकाको वडा नम्वर ३ जफेमा ३ जना, वडा नम्वर ४ मालूमा १ जना, वडा नम्वर ५ सहरेमा ५ जना, वडा नम्वर ६ च्यामामा १७ जना गरि २६ जनामा संक्रमण पुष्टि भएको पालिकाका स्वास्थ्य संयोजक अरुण कुमार मिश्रले जानकारी दिनुभयो । 
तामाकोशी गाउँपालिका भित्र सक्रिय संक्रमित संख्या २१६ जना रहेको पालिकाले जनाएको छ । जस्मा १०३ जना महिला संक्रमित र ११३ जना पुरुष रहेका छन् । पालिकाले हाल सम्म ६६५ जनाको पिसिआर र एन्टिजिन परिक्षण गरेको छ । परिक्षण गरिएका मध्ये ३०१ जनामा पोजेटिभ देखिएको छ भने ८५ जनाले कोरोनालाई जितिसकेका छन् । 
                                    

4 वर्ष पहिले    946 Post Views