जनकपुरधाम फागुन १५ गते । धनुषा जिल्लाको कमला नगरपालिका वडा नं. २ मा बाल विवाह तथा बाल अधिकार सम्बन्धी अन्तरक्रिया कार्यक्रम सम्पन्न भएको छ । कमला किशोरी समुहको अगुवाईमा कमला नगरपालिका वडा नं. २ माचिमा वडाध्यक्ष ठक्कु यादवको अध्यक्षतामा भएको सो अन्तरक्रिया कार्यक्रममा सहभागीहरुले बालबिबाहका कारण किशोरीहरुको भविश्य नै समस्यामा पर्ने भएकाले यसलाई अन्तय गर्नुपर्नेमा जोड दिएका थिए । बाल बिबाहका कारण किशोरीहरुले उच्च शिक्षाबाट बञ्चित हुने पर्ने अवस्थामा आफ्नो खुट्टामा उभिन नसक्नु तथा आर्थिक, शारीरिक रुपमा समेत कमजोर हुने भएकाले समाजको अभिसापका रुपमा रहेको बाल विवाहलाई अन्त्य गर्न जनचेतनाका कार्यक्रमहरु पलिकाले समेत ल्याउनु पर्ने सहभागीहरुको भनाई थियो । किशोरकिशोरीहरुलाई बालविवाहका नाकारात्मक पक्षका बारेमा जानकारी भयो भने यसमा कमि आउने देखिन्छ । वडाध्यक्ष यादवले आफ्ना वडामा बालविवाह रोक्न तथा बाल अधिकारका लागि काम गर्ने प्रतिबद्धता जाहेर गर्नुभएको आयोजक सामाजिक विकास र अनुसन्धान केन्द्रका बाल संरक्षण परियोजनाका कार्यक्रम अधिकृत अनिल साहले जानकारी दिनुभयो । प्लान ईन्टरनेशनलको आर्थिक सहयोग सामाजिक विकास र अनुसन्धान केन्द्रको आयोजनामा सो अन्तरक्रिया भएको थियो । सो अन्तरक्रियामा कमला नगरपालिका वडा न.. २ का वडा सदस्य, नागरिक समाजको अगुवा तथा समाजको बुद्धिजिबी तथा सामाजिक विकास र अनुसन्धान केन्द्रका प्रतिनिधिहरुको उपस्थिती रहेको थियो ।