एजेन्सी । सलमान खान र ऐश्वर्या कुनै समय सम्बन्धमा थिए । उनीहरूको ब्रेकअपको कहानी पनि कसैबाट लुकेको छैन । सन् २००२ मा ब्रेकअपको समयमा ऐश्वर्याले सलमानमाथि निकै गम्भीर आरोप लगाएकी थिइन् ।ऐश्वर्याका अनुसार सलमानले उनलाई शारीरिक र मानसिक दुवै खालको टर्चर दिन्थे । उनले अबको समयमा सलमानसँग कहिल्यै काम नगर्ने बताएकी पनि थिइन् । यद्यपि, सलमानले सधैँ यो कुरा खारेज गरे ।
 
सन् २००१ मा भयो सलमान–ऐश्वर्याको ब्रेकअप
 
९० को दशकको अन्त्यमा सलमान खान र ऐश्वर्या राय एक–अर्कासँग नजिकिए । फिल्म हम दिल दे चुके सनमको सेटमा यी दुईबिच निकटता बढ्यो । फिल्ममा उनीहरूको केमेस्ट्रीलाई निकै रुचाइएको थियो ।
 
यद्यपि, यो सम्बन्ध धेरै दिनसम्म टिक्न सकेन र यी दुई सन् २००१ मा अलग्गिए । यद्यपि, उनीहरूको ब्रेकअप सामान्य थिएन । ब्रेकअपका बेला सलमान र ऐश्वर्याबीच निकै झगडा भएको खबर आएको थियो ।
 
नराम्रो सपनाजस्तो थियो सलमानको च्याप्टर : ऐश्वर्या
 
टाइम्स नाउको रिपोर्ट अनुसार सलमानसँग ब्रेकअपपछि ऐश्वर्याले खुलासा गरेकी थिइन् । 
 
उनले भनेकी थिइन्, ‘मेरो परिवार र मेरो आफ्नै स्वाभिमानलाई मध्यनजर गर्दै यो अति नै धेरै भयो... म अबको दिनमा कहिल्यै मिस्टर सलमान खानसँग काम गर्ने छैन । सलमानको च्याप्टर मेरो जीवनको खराब सपनाजस्तो थियो र म भगवानप्रति आभारी छु कि यो सबै समाप्त भयो ।’
 
रक्सीको लत र शारीरिक हिंसाका कारण तनावमा थिइन् ऐश्वर्या
 
ऐश्वर्याले भनेकी थिइन्, ‘सलमानको हरेक खराब बानीलाई मैले माफ गर्ने गर्थेँ । सलमानको रक्सीको लत, शारीरिक हिंसा र बेइज्जतीबाट म आजित भइसकेको थिएँ । तर पनि म उनीसँग थिए । त्यसको साटो मैले दुःख र पीडाबाहेक केही पाइनँ ।’
 
‘यो मामिलामा मेरो मौनतालाई गलत तरिकाले लिइयो । मेरो क्यारेक्टरमा औँला उठाइयो । यहाँसम्म कि मेरो सह–कलाकारसँगको सम्बन्ध पनि बिगार्ने कोसिस गरियो ।’
 
ऐश्वर्याका कारण सलमान–शाहरुखमा भएको थियो झगडा !
 
रिपोर्टलाई विश्वास गर्ने हो भने सलमानका कारण ऐश्वर्यालाई शाहरुखको फिल्म ‘चलते चलते’ बाट निकालिएको थियो र उनको साटो रानी मुखर्जीलाई कास्ट गरिएको थियो ।  सलमान उक्त फिल्मको सेटका पुगेका थिए र बेस्सरी चिच्याउन सुरु गरेका थिए ।
 
खबर यो पनि थियो कि सलमान र शाहरुखबीच झगडा पनि भएको थियो । सलमान एक पटक रक्सी खाएर ऐश्वर्याको घर गएर उनको ढोकामा बेस्सरी हानेको खबर पनि छ ।
 
सलमानसँग ब्रेकअप गरेपछि विवेक ओबरोयसँग नजिकिएकी थिइन्
 
सलमानसँग ब्रेकअपपछि ऐश्वर्याको नाम विवेक ओबरोयसँग जोडिएको थियो । यो कुरामा रिसाएका सलमानले विवेकलाई फोन गरेर हत्या गरिदिने धम्की दिएका थिए । यसबारे विवेक ओबरोयले पत्रकार सम्मेलनमा जानकारी दिएका थिए ।
 
अभिषेक बच्चनसँग सन् २००७ मा भयो विवाह
 
फिल्म गुरुको सुटिङका बेला अभिषेक बच्चन र ऐश्वर्या रायबीच निकटता बढ्यो । यी दुईको चिनजान पहिले नै थियो तर गुरुको सुटिङका बेला भने उनीहरुले एक–अर्कालाई बुझ्ने मौका पाए । २० अप्रिल सन् २००७ मा अभिषेक–ऐश्वर्याको विवाह बच्चन परिवारको बङ्गला प्रतीक्षामा भयो । यी दुईका एक छोरी आराध्या छिन् ।
 
साभार : रातोपाटी
                                    

2 वर्ष पहिले    236 Post Views