मुम्बई। भनिन्छ, हरेक शुक्रबारले फिल्म स्टारको भाग्य बदलीदिन्छ। कुनै समय एकपछि अर्को गर्दै लगातार फ्लपको मार झेलिरहेका अभिनेता शाहरुख खान यतिबेला ‘पठान’को सुपर सक्सेस मनाइरहेका छन्।किङ खानको करियर पुनः सही बाटोमा आएको छ। अब भने शाहरुखको बक्सअफिस सफलताको बाटोलाई अर्का अभिनेता आमिर खानले पनि पछ्याउने भएका छन्।आमिरको पछिल्लो फिल्म ‘लाल सिंह चड्डा’ थियो। यो फिल्म फ्लप भयो र यो फ्लपसँगै आमिरले अभिनयबाट ब्रेक लिने नै निर्णय लिए। उनी आजकल परिवारसँग समय बिताइरहेका छन्।यही बेला आफ्नो करियरलाई पुनः ट्रयाकमा ल्याउनका लागि उनले शाहरुखको पाइला पछ्याउने भएका छन्  उनी यशराज फिल्मस्को एक्सन इन्टरटेनर फिल्म ‘धूम’को नयाँ सिरिजमा देखिँदैछन्।आमिर ‘पठान’को सफलताबाट प्रभावित छन्। उनलाई सलमान खानको फिल्म ‘टाइगर ३’ पनि ब्लकबस्टर हुन्छ भन्ने थाहा छ। यहीकारण उनले हालै निर्माता आदित्य चोपडासँग भेटेर ‘धुम’को नयाँ सिरिजको बारे कुराकानी गरेका छन्।हालैमात्र एक अन्तरवार्तामा ‘पठान’का लेखक अब्बास टायरवालाले आमिर यशराज ब्यानरको स्पाई युनिभर्समा देखिन चाहेको खुलासा गरेका थिए। सलमान, शाहरुख र ऋतिक रोशन यसअघि नै स्पाई युनिभर्सको हिस्सा भइसकेका छन्।साभार : डिसी नेपाल
                                    

2 वर्ष पहिले    231 Post Views