जनकपुरधाम । मधेश प्रदेशसभा नेकपा एमाले संसदीय दलका प्रमुख सचेतक लखन दासले प्रदेशलाई सुख्खा क्षेत्र घोषणा गरी किसिनलाई क्षतिपूर्ति दिन माग गरेका छन् ।प्रमुख सचेतक दासले आज मुख्यमन्त्री सरोज कुमार यादवलाई ज्ञापनपत्र बुझाउँदै प्रदेशलाई सुख्खा क्षेत्र घोषणासहित ५ बुंदे माग राखेका हुन् ।प्रमुख सचेतक दासले हाल महामारीको रुपमा फैलिएको लम्पी स्किन रोग निदान तथा नियन्त्रण, किसानहरुका लागि उन्नत विउ विजन, सिंचाई तथा मलखाद्य सरल र सहज उपल्वधता र किसानलाई २४ सैं घण्टा विद्युत आपुर्तिको व्यवस्थ गर्न पनि माग गरेका छन् ।
मधेश प्रदेशका जनताहरुको मुख्य पेशा नै कृषि पेशा रहेको र लामो समयदेखि वर्षा नभएको कारण किसानहरुले लगाएका धानवालीमा गम्भीर असर परेको उनले ज्ञापन पत्रमा उल्लेख गरेका छन् । 
‘भूमिगत जलश्रोतको स्तर समेत घटेको कारण भूमिगत सिंचाई प्रणाली, स्यालो ट्युववेलहरुवाट समेत पर्याप्त मात्रामा पानी आएको छैन,’ ज्ञापन पत्रमा भनिएको छ, ‘कृषि विद्युतिकरणको पहुंचवाट धेरै किसानहरु हाल सम्म वन्चित रहेको समेतको कारणले भुमिगत सिंचाई प्रभावित भएको छ ।’
मधेश प्रदेशको कृषकहरुलाई हाल सिंचाईको समस्याको साथसाथै पशुमा लम्पि स्किन नामक रोगले थप पीडा दिएपनि सरकारले कृषकको समस्या सामाधान गर्न कुनै कार्यक्रमको घोषणा नगरी सरकार यो गैर जिम्मेवार बनेको आरोप समेत लगाइएको छ ।




 साभार : नेपाल प्रेस

 
                                    

1 वर्ष पहिले    332 Post Views