काठमाडौं, माघ २ : स्वर्णलक्ष्मी सहकारी ठगी मुद्दा राष्ट्रिय स्वतन्त्र पार्टीका सभापति रवि लामिछानेलाई काठमाडौं जिल्ला अदालतले धरौटीमा छाड्न आदेश दिएकाे छ।
न्यायाधीश माधवकुमार अधिकारीको इजलासले रविलाई ६० लाख धरौटीमा छाड्न आदेश दिएको हो। आइतबारबाट सुरु भएको बहस आजै अपरान्ह सकिएको थियो।
अदालतको यो आदेशसँगै रवि धरौटी बुझाएपछि रिहा हुने छन्।
यसअघि सूर्यदर्शन सहकारी ठगी प्रकरणमा कास्की जिल्ला अदालतमा ६५ लाख धरौटी बुझाएर रवि रिहा भएका थिए।
साभार ः काठमाडौं प्रेस
