जनकपुरधाम,फागुन १७ गते । धनुषाको लक्ष्मीनिया गाउँपालिका ७ का एक पुरुषले श्रीमतीलाई हत्या गरेर घरमै गाडेको अवस्थामा शव फेला परेको छ ।स्थानीय हरेराम यादवकी ३० वर्षीया श्रीमती अंजलीदेवी यादवको शव घरमै गाडेको अवस्थामा फेला परेको हो । धनुषाका प्रहरी प्रवक्ता डिएसपी वरुण बहादुर सिंहले अंजलीको शव उत्खनन गरी पोस्टमार्टमका लागि जनकपुरधामस्थित प्रादेशिक अस्पताल पठाएको जानकारी दिए ।
उनका अनुसार अंजलीलाई उनकै श्रीमान हरेरामले हत्या गरेको खुलेको छ । हरेराम १० वर्षीया छोरीलाई लिएर फरार भएका छन् ।
हरेरामले श्रीमतीको हत्या कहिले गरेको खुलेको छैन् । घरमा गाडेको शव गन्हाउन थालेपछि स्थानीले प्रहरीलाई खबर गरेको थियो । त्यसपछि घटनास्थलमा प्रहरी पुगेर शव उत्खनन गरेको बुझिएको छ ।

साभार : नेपाल प्रेस