जनकपुरधाम ,असार १८ गते । जनकपुरधाम उपमहानगरपालिकामा आफ्नै ज्वाँइद्धारा ससुराको हत्या भएको छ । 
जनकपुरधाम उपमहानगरपालिका वडा नंं १५ रामपुर निवासी वर्ष ७५ को वासुदेव प्रसाद विमललाई उहाँकै ज्वाइँले छुरा प्रहार गरेर हत्या गरेको जिल्ला प्रहरी कार्यालय धनुषाका प्रहरी उपरीक्षक नरहरी रेग्मीले जानकारी दिनुयाे ।
जनकपुरधाम उपमहानगरपालिका वडा नंं २१ कुर्था घर भएका ज्वाइँ बेचन महासेठले ससुराको घरमा नै पुगेर छुरा प्रहार गरी हत्या गरेको जिल्ला प्रहरी कार्यालय धनुषाले जनाएको छ ।
बेचनले घरायसी विवादका कारण ससुरा वासुदेवको हत्या गरेको पारिवारिक श्रोतको भनाई छ । छुरा प्रहारबाट गंभिर घाइते हुनुभएका वासुदेवको अस्पताल ल्याउँदै गर्दा बाटोमै मृत्यु भएको प्रहरीले जनाएको छ ।
छुरा प्रहार पश्चात् फरार आरोपित बेचनको खोजी कार्य भइरहेको धनुषाका प्रहरीका प्रवक्ता प्रहरी नायव उपरीक्षक बरुण बहादुर सिंहले जानकारी दिनु भएको हो ।

साभार : रेडियो नेपाल
 

 
                                    

2 दिन पहिले    8 Post Views