किशोर मण्डल
जनकपुरधाम, असार २३ गते । सबैला नगरपालिका–८, ठिल्ला — मिति २०८२ साल असार २३ गते, सोमबारका दिन श्री जनता राष्ट्रिय आधारभूत विद्यालय ठिल्ला यदुवामा अध्ययनरत विद्यार्थीहरूलाई पौष्टिक दिवा खाजाको रूपमा चिउरा सहित आँप र मासु वितरण गरिएको छ। दिवा खाजा समितिको समन्वयमा आयोजित यस कार्यक्रमअन्तर्गत शाकाहारी विद्यार्थीहरूलाई आँप तथा चिउरा प्रदान गरिनुका साथै मांसाहारी विद्यार्थीहरूलाई मासु र चिउरा खुवाइएको विद्यालयले जानकारी दिएको छ। स्वस्थकर तथा पौष्टिक आहार प्रवर्धन गर्ने उद्देश्यले गरिएको यस पहलप्रति विद्यार्थी, अभिभावक तथा स्थानीय समुदायले सकारात्मक प्रतिक्रिया जनाएका छन्। विद्यालयका प्रधानाध्यापक दिनेश कुमार राय का अनुसार, विद्यार्थीहरूको स्वास्थ्य र पढाइमा सन्तुलन ल्याउने प्रयासस्वरूप यस प्रकारका खाजा कार्यक्रमहरू दैनिक रुपमा सञ्चालन गरिदै आइरहेको छ ।
                                    

1 दिन पहिले    9 Post Views