काठमाडौं ,असोज ४ गते । मधेस प्रदेशसभाको बैठक आह्वान गर्ने सहमति भएको छ । आज बसेको सर्वदलीय बैठकमा मंगलबारका लागि बैठक आह्वान गर्ने सहमति भएको हो। प्रदेशसभा सदस्य वीरेन्द्रप्रसाद सिंहका अनुसार मधेस प्रदेशसभाका सबै राजनीतिक दलले सङ्घीयताको विषयमा एक रहनाका साथै सकारात्मक सन्देश प्रवाह गर्न बैठक डाकिएको हो।
जेनजी प्रदर्शनका क्रममा मधेस प्रदेशसभामा आगजनी एवं तोडफोड तथा लुटपाट भएका कारण ४० करोड बढीको क्षति भएको र क्षतिग्रस्त संरचनाको तत्काल सामान्य मर्मत गरेर प्रदेशसभा बैठक आव्हान गर्ने सहमति भएको सचिवालयले जनाएको छ।बैठकमा मधेस प्रदेशका मुख्यमन्त्री सतिशकुमार सिंहलगायत विभिन्न राजनीतिक दलका नेताहरू सहभागी थिए।
साभार : नेपाल प्रेस
