काठमाडौं , असोज २७ गते । महन्थ ठाकुर नेतृत्वको लोकतान्त्रिक समाजवादी पार्टी (लोसपा) ले मधेश सरकारलाई दिएको समर्थन फिर्ता लिएको छ । लोसपासहित आफ्नै पार्टी जनमत, कांग्रेस र एमालेले समर्थन फिर्ता लिएपछि मुख्यमन्त्री सतिशकुमार सिंह स्पष्ट अल्पमतमा परेका छन् ।लोसपाबाट सरकारमा रहेकी शिक्षामन्त्री रानीकुमारी तिवारीले राजीनामा दिएसँगै समर्थन फिर्ता लिएको हो ।
मधेश प्रदेश, प्रदेश प्रमुखको कार्यालयका निमित्त सचिव शत्रुधन यादवले जारी गरेको विज्ञप्तिमा भनिएको छ, ‘नेपालको संविधानको धारा १६८ को उपधारा (२) बमोजिम गठन भएको मधेश प्रदेश सरकारलाई लोकतान्त्रिक समाजवादी पार्टी (लोसपा) नेपालले दिइएको समर्थन आजकै मिति २०८२।०६।२७ गतेबाट फिर्ता लिइएको व्यहोरा जानकारीका लागि अनुरोध छ।’
मधेशमा कांग्रेसको नेतृत्वमा नयाँ सरकार गठन गर्ने सहमति भइसकेको छ। स्पष्ट अल्पमत हुँदा पनि पार्टीको निर्देशन अटेर गर्दै मुख्यमन्त्री सिंहले भनेलि विश्वासको मत लिँदैछन् ।

साभार : नेपाल प्रेस
                                    

4 महीना पहिले    157 Post Views